तब सुशोभित हुन्छ बसुन्धरा

कमल फूल गुराँस सुनाखरी
अघि बढे भमरा सब लाेभिर्इ ।
जब छ माैसम पावन उर्वरा
तब सुशोभित हुन्छ बसुन्धरा ।।

चिठी (भुवनहरि सिग्देल)

To Badri Pd. Dahal
नव बसन्त यहाँ सुरुवात छ

नमन हार्दिक लाै मुटुबाट छ ।

अति अभाव सदा गुरुकाे रह्याे

अलिक याद बढ्याे अनि खाेज भाे ।।

 

ग्रहण अासिककाेे महँगाे बिटाे
सँगनिधार टिकाे जब टाँसियाे ।

थप छ झाेक र जाँगर चाहना

जब मिल्याे गुरुबाट नि प्रेरणा ।।

मगजकाे खनजाेत गरे गरा
सुकविता अनि पावन सिर्जना ।
हृदयमा जब बग्छ सफा नदी
तब छ सम्झिन लायक जीवनी ।।

बरु भयाे अबगाल मिठाे सँधै
र उपदेश मिले गुरुबाट नै ।
सफल हाेस् फल हाेस् नव वर्षमा
प्रगतिकाे गतिकाे शुभकामना ।।

To Bhuvan Hari Sigdel

नव बसन्त यहाँ सुरुवात छ

नमन हार्दिक धादिङबाट छ ।
स्वजनकाे जनकाे मनकाे कवि  

कुशल मङ्गल नै हुनुहुन्छ कि ?

हजुरका कविता रसिला अति
अपुग भाे कति धेर पिए पनि ।

किन ढिला अब एक कुरा गरूँ

अलिकता अबदेखि सताउँछु ।

लगनशील छ जो सुख पाउँछ

निकुञ्ज अभ्यासमालाको ८८ औँ शृङ्खलामा आज हामी द्रुतविलम्बित छन्दमा अभ्यास गर्नेछौँ । 

छन्द - द्रुतविलम्बित 

गण - न भ भ र 

सङ्केत - III SII SII SIS

जुनकिरी अरुको भरमा बसे
चहकिलो बिपना कसरी हुने ?
नियम हो दिनमा रवि आउँछ
लगनशील छ जो सुख पाउँछ ।

सतहमा रहँदा सुन मिल्छ र ?
गहिरिए पिँधमा जुन मिल्दछ

सफल भै प्रतिभा अनि अाउँछ
लगनशील छ जो सुख पाउँछ ।
- विजय तामाङ