छिमेकी र आफन्त आफ्ना रहेनन्
खुसी साथ बाँच्दा कसैले सहेनन् ।
अहो ! हल्लिए पात हावा नआई
चुँडे दैत्यले फूल फुल्नै नपाई ।।
कतै आउलान् शत्रु नेपालभित्र
भनी कुर्दछन् साँधमा देशभक्त
यहीँ छाउनीभित्र आगो लगाई
चुँडे दैत्यले फूल फुल्नै नपाई ।।
हुँदा बाहिरी रूप मान्छे हुँदैन
दया लाग्छ जोसङ्ग मस्तिष्क छैन ।
हिँडे हुन्छ नाङ्गो उदाङ्गो बनाई
चुँडे दैत्यले फूल फुल्नै नपाई ।।
सतीले सरापेर आँखा खुलेको
भयो फेरि अन्धो, कठै! देश मेरो ।
स्वयम् बाग कल्याण सोच्दैन माली
चुँडे दैत्यले फूल फुल्नै नपाई ।।
बग्यो अश्रुधारा निचोरेर चित्त
सबै शोकमा छन् उनैका निमित्त ।
अरे ! दैव कस्तो भयो बोट खाली
चुँडे दैत्यले फूल फुल्नै नपाई ।।
जहाँ वेदना सुन्न कोही हुदैन
कमाएर पैसा कुनै अर्थ छैन ।
गए दूर खाडी सबै दाजुभाइ
म यो जिन्दगी अर्पिऊँ देशलाई ।।
गुनासो हुदै हुन्न मीठो नमीठो
म बाँच्नेछु खाएर माटो यहीको ।
अरू स्वर्गको छैन आशा मलाई
म यो जिन्दगी अर्पिऊँ देशलाई ।।
प-यो हेर्न कस्तो मरेझै भएँ म
धनी बन्न सन्तान बैच्दैछ आमा !
खुवाइन् पिलाइन् स्वयम् ऊ नखाई
म यो जिन्दगी अर्पिऊँ देशलाई ।।
गरी ज्यानको दाउ पुर्खाहरूले
यही देशको निम्ति नक्सा बचाए ।
म माली र यो देश हो फूलबारी
म यो जिन्दगी अर्पिऊँ देशलाई ।।
निकुञ्ज अभ्यासमालाको ६१ औँ शृङ्खला
छन्दः भुजङ्गप्रयात
समस्या शीर्षक - लोकतन्त्र
अभ्यासकाल- साँझ ८ देखि ९ बजे
मितिः २१ माघ ०७४
**************
किने कार्यकर्ता उठाएर बस्ती
चढी कार चिल्लो धनी गर्छ मस्ती
जिताऊ न पार्टी दिई भोट भन्छ
नबुझ्ने मलाई कहाँ लोकतन्त्र।।
हिँडेको छ राखेर बेग्लै इरादा
स-साना सिँगाने त पल्टिन्छ दादा
थिए जाति धेरै बरू अन्य तन्त्र
नबुझ्ने मलाई कहाँ लोकतन्त्र।।
-विजय तामाङ
*************
https://m.facebook.com/groups/954096397945375?view=permalink&id=1783342965020710
**************
निकुञ्ज अभ्यासमालाको ६० औँ शृङ्खला
छन्दः भुजङ्गप्रयात
समस्या शीर्षकः
समाप्तै हुने हो कि यो देश मेरो
अभ्यासकालः साँझ ८ देखि ९ बजे
मितिः २० माघ ०७४
*****************
नयाँ धर्म भाषा यहाँ भित्रिए है
मिठा शब्द बोली रुचाइन्न खासै
थिए वीर पुर्खा छ स्वप्न पसारो
समाप्तै हुने हो कि यो देश मेरो
घमण्डी भएछन् सबै दाजुभाई
बुझेरै गरे पाप काटेर गाई
गुदी राष्ट्रवादी भएको छ खोक्रो
समाप्तै हुने हो कि यो देश मेरो
किनेको सबै भोट बेकाम होला
धनी बन्छ नेता र बेचिन्छ खोला
सुनाऊ तिमी जे छ नेपाल प्यारो
समाप्तै हुने हो कि यो देश मेरो
विजय तामाङ
***************
https://m.facebook.com/groups/954096397945375?view=permalink&id=1782328948455445
***************