भविष्य अन्धकार छ

विदेशिए युवाहरू भुलेर भूमि उर्वर
विकास हुन्छ देश के रहेन आत्मनिर्भर !
स्वदेश, भेष मासिए छ अर्थहीन वैभव
चढ्यौ भने विमानमा भविष्य अन्धकार छ !!

सबै जहान मारिए छिमेकमा जल्यो घर
निदाउँदै थिए सबै समीप गाउँले तर !
सदैव व्यर्थ स्वार्थको पछाडि हिँड्छ मानिस
परोपकार बिर्सिए भविष्य अन्धकार छ ।।

बुझेर सार जन्मको गरेर कर्म सज्जन
हुनेछ राज्यमा युगौँ यही कुरा समर्थन !
उदार चित्त काटिए स्वयम् जितेर  हार छ
जरा विहीन फूलको भविष्य अन्धकार छ !!

कहाँ छ धर्मको कुरा, कहाँ छ बाल रौनक ?
सबेर मार्गमा कतै बसेर माग्छ बालक !
स्वयम् अतीतका कथा र वर्तमान भार छ
नसम्झ भोलिका कुरा भविष्य अन्धकार छ !!

विभेद द्वन्द्व आपसी उपाय छैन मोजले
अनेक चाडपर्वमा जुवा र तास भोजले !
गरूँ छ काम सोचिए स्वदेश नित्य बन्द छ
बुझेर सम्झिए अहो ! भविष्य अन्धकार छ ।।

महत्वपूर्ण लागेन

बुझेर आउँदा तिमी महत्वपूर्ण लागेन
यसै छ ब्यर्थ जिन्दगी महत्वपूर्ण लागेन

हुने कुरा हुँदै गयो निरीह भै हेरीरहेँ
के बाँध्नु हातमा घडी महत्वपूर्ण लागेन

समातिनैछ अन्त्यमा के गर्नु आज भागेर
कुनै उपाय औषधी महत्वपूर्ण लागेन

दुई दिने छ जीवनी  मरेर लानु के छ र ?
गरूँ अनेक नोकरी महत्वपूर्ण लागेन

लेखेँ हरेक मोडमा बिछोडमा गजलहरू
समेट्न यादमा केही महत्वपूर्ण लागेन

जिन्दगी १२५

निकुञ्ज अभ्यासमालाको १२५औं श्रृङ्खलामा हामी पञ्चचामर छन्दमा अभ्यास गर्नेछौं। 
 छन्दः-पञ्चचामर 
सङ्केत:-isi sis is,i sis isi s 
विषय:-जिन्दगी

वियाेग शाेक भाेकले गुमाउँदै छु धेर्यता
यथार्थ हाे कि स्वप्न हाे सदैव गर्छु कल्पना ।
मसङ्गकाे सबैकुरा सँधै सँगै रहन्छ र ?
कि जिन्दगी  व्यर्थ छ ?

फुटेर हैन देशमा जुटी अगाडि बढ्नु छ

अमानवीय कार्यले सदैव देश व्यग्र छ
बुझाइकाे सिकाइकाे अभाव विद्यमान छ ।
हिमालकाे पहाडकाे इमान उच्च राख्नु छ
फुटेर हैन देशमा जुटी अगाडि बढ्नु छ ।।

अचम्मकाे छ जिन्दगी

निकुञ्ज अभ्यासमाला ७९ औँ शृङ्खला
छन्द - पञ्चचामर गण - ज र ज र ज गु 
गणसङ्केत - ISI SIS ISI SIS ISI S 
विषय - जिन्दगी । 

समुन्द्र पुग्ने लक्ष्य हाे नदीजसाे निरन्तर
व्यथाहरू अथाह छन्  कुनै हिसाब हुन्छ र ?
हटाउँछन् यदाकदा गरी प्रयाेग अाेखती
पुरा विचार हुन्न है अचम्मकाे छ जिन्दगी ।

भुलेर स्वर्गसम्मकाे उडान एकचाेटि हाे
गरेर व्यर्थ सामना असङ्ख्य राेगव्याधिकाे
प्रशस्त साल बाँचियाे रहस्य गाेप्य तैपनि
 यथार्थ हाे कि कल्पना अचम्मकाे छ जिन्दगी ।

सुवास शान्तिको छरौँ म देशको कुना कुना

निकुञ्ज अभ्यासमाला ७८ औँ शृङ्खला
छन्द - पञ्चचामर 
गण - ज र ज र ज गु 
गणसङ्केत - ISI SIS ISI SIS ISI 

म माथि माथि चन्द्रमा सँधै छुने प्रयासमा
उचाल्छु पाइला यहाँ सदैव अग्रपङ्तिमा
प्रसन्न चित्त देवकाे  गरी सदा उपासना 
सुवास शान्तिको छरौँ म देशको कुना कुना

जय हाेस् ।

रफ


सदा अथाह मित्रता रहाेस् छ धेर कामना
उचाल्छु पाइला अथाह अग्रपङ्तिमा सँधै
प्रसन्न चित्त देवकाे  गरी सदा उपासना
सुवास शान्तिको छरौँ म देशको कुना कुना

मुसुक्क हाँस्छु प्रेम गाँस्छु बाँड्छु प्रेरणा यहाँ
सदा अथाह मित्रता रहाेस् छ धेर कामना
उभिन्छु लालसा र लाेभ पापकाे विरूद्धमा
सुवास शान्तिको छरौँ म देशको कुना कुना 

सुवास शान्तिको छरौँ म देशको कुना कुना