चीनमा

राष्ट्रकविकाे नदी कविता गुनगुनाउँदै I Inspired By: मनाेज भण्डारी ।

छन्दकाे महत्व

अथाह ज्ञान भण्डार शीर्ष विन्दु बुझाइकाेअर्थ छैन भनी बुझ्दा उचाइ किन चाहियाे?
रित्ताे हात हुँदा सम्म भएसरी टनाटन
सदैव मनमा शान्ति मिल्छ अानन्द जीवन ।।

अरूकाे खाेजमा हैन अाफैँभित्र हराउँछन्
सारा भुलेर संसार देशमा स्वर्ग पाउँछन् ।
चिम्लिएर दुबै अाँखा मुर्ति झैँ ध्यान गर्दछन्
माथिल्लाे तहका मान्छे हुन् ती जाे छन्द जान्दछन् ।।

मग्मगाअोस् जगत् सारा सृजनाको सुवासले

छातीबाट दुर्इ शब्द निकाली शुभकामना  
पुरा हाेस् लेखिएका यी भन्दै गरूँ म प्रार्थना ।
छ उपहार पाएकाे अमूल्य याे समाजले
मग्मगाअोस् जगत् सारा सृजनाको सुवासले ।।

चाहे अाएर भूकम्प लडाेस् धरहरा सब
धड्किरहाेस् हियाे तिम्राे बनेर शान्तिकाे स्थल ।
सुन्दर भाे तिमीबाट सिकाे गरेर देशले
मग्मगाअोस् जगत् सारा सृजनाको सुवासले ।।

नहाेस् न हातमा केही रहाेस् मुस्कान अाेठमा
 तिम्रै नाम छनाेटमा ।
राेगव्याधि उडाएर टाढा लगाेस् बतासले
मग्मगाअोस् जगत् सारा सृजनाको सुवासले ।।

सडक

म हिँड्ने मार्ग फाटेकाे लुगाजस्ताे चिरा पर्छ
भराेसा छैन पैताला कुनै गन्तव्यमा पुग्छ ।
जँचार्इ ज्याेतिषीलार्इ म यात्रा थालनी गर्छुदशा फेरिन्छ बाटाेमा म यस्ताे देशमा बस्छु ।।

सधैँ बाढी र पैराेकाे बडाे सन्त्रासमा हुन्छन्

त्यहीँ बस्दा गरी खाने कुनै बाटाे नपाएर

बिरानाे देशमा अाएँ म एक्लै गाउँ छाडेर ।।
भए निर्धा बुबाअामा कसैकाे अासमा हुन्छन्
सधैँ बाढी र पैराेकाे बडाे सन्त्रासमा हुन्छन् ।।

विश्व कपको मैदान नेपाल हो

अग्ला आठ जना मिलेर सजिलै खेल्छन् भकुन्डो यहाँ
खेलाडी परदेशबाट जति छन् बेहोस आश्चर्यमा ।
खुट्टाले छुन पाउँदैन तिनको हाम्रो निजी खेल हो
मानौँ चर्चित धेर विश्व कपको मैदान नेपाल हो ।।

त्यो सर्वोच्च हिमाल बादलसँगै ठोक्काउँदा टाउको
कालो बादल टुक्रिई जमिनमा पानी बनी दर्कियो ।
कोसीले त्यसकै समर्थन गरी छल्काउने छाल हो
आऊ हेर्न मुनाल विश्व कपको मैदान नेपाल हो ।।

सारा गोल सिधै प्रसारण हुँदा संसार हेर्दै थिए
ती धौलागिरि अन्नपूर्ण जितमा उत्साहले उफ्रिए ।
त्यो होचो तलको पहाड हरियो सीमान्त पर्खाल हो
को हान्लान् अब गोल विश्व कपको मैदान नेपाल हो ।।

नेपाली इतिहास कोर्न यसरी सम्पूर्ण मैदानमा
बाँकी विश्व छ मौन शून्य जसरी हुन्नन् मजा खेलमा ।
जो आए दुनियाँ भुले प्रकृतिको भूस्वर्गको ताल हो
सानो हैन विशाल विश्व कपको मैदान नेपाल हो ।।

(विश्वकप विशेष)

छन्द चौतारीमा