उचित थिएन

झगडा छुट्याईदिने सुरक्षित थिएन
त्यसैले म त्यहां बोल्नु उचित थिएन

तिमी आयौ भित्र मेरो जलाई गयौ
राहत उसैले पायो जो पिडीत थिएन

तक्मा शहिदको भिर्दैमा अमर भयो
तर देशको लागि ऊ जिवीत थिएन

नाङ्गो छाती देखाई बहकाउन खोज्छ
मौरी बुझेरै फूलमा आकर्षित थिएन

हाम्लाई पनि दशैं लाग्थ्यो सानो छंदा
सम्झी मुटु खियाउने यी अतीत थिएन

उसको बुवा कति धनी? अनुमान गरौं
ऊ पिंजडामा सुखबाट बञ्चित थिएन

सबै भन्छन् सानो चोटमै विजय हार्यो
तिमी बुझ्नु दुखाई मनमा सीमीत थिएन