शहर कस्तो हुन्छ

तिम्ले दियौ बिर्सिदिएं जहर कस्तो हुन्छ
सोचिएन मुटुभित्र असर कस्तो हुन्छ

यो सडक हावापानी संसार आफ्नै लाग्छ
थाहा छैन पिएपछि नजर कस्तो हुन्छ

यस्तै छ यार मेरो हाल नसोध्नु सधैं
सम्झिउ पानी सुकेपछि बगर कस्तो हुन्छ

हामी जस्तै सबै हुन्नन् बुवा भन्नुहुन्थ्यो
सम्झाएर मलाई सधैं शहर कस्तो हुन्छ

तिम्रा शब्द बटुलेर पर्खाल लाउन थालें
अब फिर्ता माग्छौ भने यो घर कस्तो हुन्छ