केहीदिन

लुकेको भए परिचय केहीदिन
चल्ने थियो यस्तै समय केहीदिन

पूरानो धरहरा ठाडै बस्थ्यो कि
नआएको भए प्रलय केहीदिन

हे बटुवा तँ मालिक हुन्छस् ?
मिल्यो भन्दैमा आश्रय केहीदिन

टिक्थ्यो मेरो निजी भएको भए त
तिम्रो भैदियो यो हृदय केहीदिन

लामो थियो जिन्दगी सकियो
गरेर मिलेन विनय केहीदिन

सरकारको बानी अबगत नै छ
थाती रहन्छ निर्णय केहीदिन

तिम्ले नाटक हो नभन्नुपर्थ्यो
बाँच्थ्यो अझै ‘विजय’ केहीदिन