निकुञ्ज अभ्यासमाला-६५
मिति:२०७४/१०/२५
छन्द:शार्दूलविक्रीडित
विषय:-झर्ना
**************************
प्यारो देश कुनै यहाँ भुवनमा नेपालजस्तो छ र
लेकाली मसिना नदी सब मिली झर्छन् तराईतिर
हाम्फाल्दै झरना बनेर बहँदा देखिन्छ आकर्षक
पर्छन् छक्क सदैव मानिसहरु हेर्दै सयौँ दर्शक
खस्दा माथि उचाइबाट पदमा तैरिन्छ आकाशमा
उर्लिन्छन् अझ बेस्सरी रिस गरी बाढी र बर्सातमा
के गर्छौ रिसले यताउति धरा सारा डुबाएपछि
हल्ला गर्छ यहाँ निरन्तर सँधै आवाज पाएपछि
- विजय तामाङ
**************************
No comments:
Post a Comment